மாத்ரு பஞ்சகம்- பாடல்கள் - 1,2

மாத்ரு பஞ்சகம் பாடல்கள் - 1,2 

முற்றும் துறந்த துறவியெனினும் தாயெனும் உறவைத் துறப்பது அரிது! தன் தாயின் மறைவின் போது ஆதி சங்கரர் வருந்திப் பாடிய பாடல் தொகுப்பு மாத்ரு பஞ்சகம். மனதை உருக்கும் ஐந்து பாடல்கள் கொண்ட இந்தத் தொகுப்பின் முதலாம் பாடலை, தமிழ்க் கவிதை வடிவில், சென்ற ஆண்டு அன்னையர் தினத்தன்று பதிவிட்டிருந்தேன். அது என் தாய் உடல்நலம் குன்றி மருத்துவ மனையில் இருந்த நேரம்!

இன்று என் தாயின் நினவு நாள்.  

இந்த நாளன்று மாத்ரு பஞ்சகத்தின் முதலாம் பாடலுடன், இரண்டாம் பாடலையும்  கவிதை வடிவில், என் அன்னையை வணங்கிப்  பதிவிடுகிறேன். மற்ற மூன்று பாடல்களையும் வரும் நாட்களில் பதிப்பேன்.

அன்புடன் 

ரமேஷ் 

Ramesh · Maathru Panjagam 1

பாடல் 1

ஆஸ்தாம் தாவதியம் ப்ரஸ¨திஸமயே துர்வாரசூலவ்யதா
நைருச்யம் தநுசோஷணம் மலமயீ சய்யாச ஸாம்வத்ஸரீ I
ஏகஸ்யாபி நகர்பபார பரணக்லேசஸ்ய யஸ்ய க்ஷம :
தாதும் நிஷ்க்ருதிமுந்நதோsபி தநய:தஸ்யை ஜநன்யை நம:

தடுக்கமுடியாத பிரஸவ வேதனை ஒருபுறமிருக்க, வாய்க்கு ருசி இல்லாதிருத்தல், உடம்பு இளைத்தல், ஒரு வருஷகாலம் மல மூத்ரம் நிறைந்த படுக்கை ஆகியவையான கர்பகாலத்தில் பாரத்தைத் தாங்கிக்கொள்ளும் கஷ்டத்தில் ஒன்றையாவது தீர்க்க வளர்ந்த பிள்ளை முடியாதவனாகி விடுகிறானே! அக்கஷ்டங்களை தாங்கிக் கொள்ளும் தாயை என்னவென்று செல்ல? அந்த தாய்க்கு நமஸ்காரம்!

பெறுகையில் எனைநீ பெரும்பா டுற்றாய்  

கருவைச் சுமைக்கையில்   களைத்தாய் இளைத்தாய் 

சிறுமழ  லையாய்நான்  இருக்கையில் எந்தன் 

சிறுநீர் நனைத்த படுக்கையில் படுத்தாய்  

பெரிதாய் வளர்ந்துநான்   பெரும்புகழ் பெறினும் 

சிறிதும் என்னால் நீயுற்ற துயரை 

சரியீடு செய்தல்  அரிதினும் அரிதே !

குருகுலமுபஸ்ருத்ய ஸ்வப்ன காலே து த்ருஷ்ட்வா
யதிஸமுசித வேஷம் ப்ராருதோ மாம் த்வமுச்சை :I
குருகுலமத ஸர்வம் ப்ராருதத்தே ஸமக்ஷம்
ஸபதி சரணயோஸ்தே மாதரஸ்து ப்ரணாம :II

ஹே தாயே! ஒரு சமயம் நான் படிக்கும் குருகுலம் வந்து கனவில், நான் ஸன்யாஸம் பூண்டதாக் கண்டு உறக்க அழுதாயே அப்பொழுது குருகுலம் முழுவதும் உன் எதிரில் அழுததே! உனது கால்களில் விழுந்து நமஸ்கரிக்கிறேன்!

குருகுலம் நான்செலும் தருணத்தி லோர்நாள் 

உறவுக ளறுத்துநான்   துறவு கொள்வதாய்  

உறக்கத்தில் கனவொன்று கண்டுளம் பதைத்து  

மறுநா ளேகுரு குலம்வந் தடைந்தாய்!  

உருகியே உதிரமுன் விழிவழி  வழிய 

சிறுவன் எனைநீ   இறுகவே  அணைத்தாய்  

பிறிதுள பலருமக் காட்சிகண் டழுதார்!

தரையிலே  விழுந்துனை வணங்குதல் அன்றி 

வேறென்   செய்வேன்?  சரணமுன் அடியே!. 

அறுவடை

அறுவடை 

இன்று உலக சுற்றுச்சூழல் பாதுகாப்புத் தினம். 

இதுவரை சுற்றுச் சூழலை பாதுகாக்க மறந்தும் மறுத்தும் வரும் நம் தலைமுறைகள் இனியேனும் திருந்துமா ? 

அன்புடன் 

ரமேஷ் 

Ramesh · Aruvadai

அறுவடை 

விதையை  விதைத்து நெற்கதிர்  வளர்த்து 

அறுவடை செய்யும் உழவர் இடையே  

எதைநாம் விதைத்து அறுவடை செய்தோம் 

கதையிதைச் சொல்வேன் கேட்டுணர் வீரே!

ஆற்றுப் படுகையில் அரண்மனை கட்டி 

ஆறாத்  துயரை அறுவடை செய்தோம் 

சுகவாழ்வு பெறவே  சூழலை அழித்து 

நச்சுக் காற்றை அறுவடை செய்தோம்

காட்டு மரங்களை வெட்டி வீழ்த்தியே 

ஓசோன்  அடுக்கில்  ஓட்டைகள் செய்தோம்   

வாட்டும் வெப்பம் எங்கும் ஏற 

புவிசூ டாதலை அறுவடை செய்தோம்

ஆழ்துளைக் கிணறுகள் பலவும் அமைத்தே 

நிலத்தடி நீரை உறிஞ்சி எடுத்தோம் 

ஆழிக்  கடலின் உவர்நீர்  உள்ளே   

உட்புகும் நிலையை அறுவடை செய்தோம் 

எதை விதைத்தோமோ அதையே மீண்டும் 

அறுவடை செய்வோம் அறிந்திடு வோமே !

அதைநாம்  உணர்ந்து அல்லன ஒறுத்து 

நற்செயல் செய்துநம்  பூமியைக் காப்போம்!

சோபக்ருது ஆண்டு வரவு

சோபக்ருது ஆண்டு வரவு 

Ramesh · Sobakrithu

இன்று  முடியுமிந்  நற்செயல் ஆண்டில்*                * நற்செயல் ஆண்டு = சுபக்கிரிது 

நாமே   விதைத்த நற்செயல் விதைகள் 

நன்றாய்  வளர்ந்திம் மங்கள ஆண்டில்*         * மங்கல ஆண்டு = சோபகிருது 

நலம்பல நல்கிட வாழ்த்துகள் உரைப்பேன் 

உக்ரேன்  ரஷ்யா இவர்களி னூடே 

நடக்கும் நீள்போர் நின்றிட வாழ்த்து- (நம்) 

பக்கத்துக்கு நாட்டினர் அக்கிரமச் செயல்கள் 

அடங்கியே  அமைதி நிலவிட வாழ்த்து  

உரு பல மாறிடும் கிருமிக் கூட்டம் 

மறுபடி நம்மைத் தாக்கா திருக்கவும் 

முகத்தையும் மூக்கையும் மூடித் திரியும் 

நிகழ்வு நேராது  இருக்கவும்  வாழ்த்து 

இந்திய நாட்டின் தலைமையில் இங்கு  

இருபது நாட்டினர் இணைந் துரையாடி  

செந்நெறி முறைகள் சீர்திருத் தங்கள்  

சிறப்பாய் செய்து முடித்திட வாழ்த்து 

உலகம் எங்கும்  பொருளா தார

வளர்ச்சிகள் குன்றி வருந்திடும்  போதும்

கலக்கம் இன்றி நம்திரு நாடுதன்  

இலக்கை எட்டி அடைந்திட வாழ்த்து. 

அரிசி கோதுமை மட்டும் விளைத்து 

அறுவடை செய்வதை இனிமேல் விடுத்து 

சிறுதா னியங்கள் சோளம் கம்பு 

இவற்றையும்  விளைத்து சிறப்புற வாழ்த்து  

கருநா டகத்தில் கனமழை பொழிந்து 

காவிரி கரைபுரண் டோடிட வாழ்த்து 

வருடா வருடம் இருநாட் டவர்க்கும் **       **இருநாடு = கர்நாடகம்,தமிழ்நாடு  

நடக்கும் நீர்ப்போர் நின்றிட வாழ்த்து

பிரிகேடு ஏரிக் கரைக்குடி யிருப்பில்*                            * Brigade Lake Front

தெருநாய்த் தொல்லை தொலைந்திட வாழ்த்து 

*மெட்ரோ ரயிலின் தடத்தினில்  உள்ள   

இடைவெளி நீங்கி நிறைவுற  வாழ்த்து                       * The gap between KRpuram and Baipanahalli

 

நான் 

உரைத்திடும் வாழ்த்துகள் பலவெனினும் அதை 

நிறைத்தலும் நீக்கலும் அவன் திரு வருளே!

குருபரன் பழனிக் குன்றினில் உறையும் 

இறைவனை வணங்கி வேண்டிடு வோமே!

 

 

  

A SCENE AT THE SEA-SHORE

 A SCENE AT THE SEA-SHORE

Sometime ago, I had written and published in my Blog, a Tamil poem about my walk on the sea-shore along with my little Grand Daughter. 

 (https://kanithottam.blogspot.com/2021/01/blog-post_17.html) . 

My eldest Grand Daughter had asked if there was an English version of the poem. As I did not want to disappoint her, I translated it, in the form of an English Poem! Here it is, for your reading pleasure!

V.Ramesh

A SCENE AT THE SEA-SHORE

Ramesh · Scene At The Seashore

The Sea-waves wearing     a Silver Crown

Caress the sandy     shores of brown

Cool-wind over     my body blows

Finding its way     through layers of clothes

The warm sunrays     from the big blue sky

To some extent,     does the cold nullify

The clouds are spraying     little droplets

Wetting my clothes     and the sand carpet

The feel of the raindrops     falling on my face

Fills my mind with     Joy and Peace.

 

When I am standing      still on the shore

Small waves come     to caress my feet

The Strong Big waves     come rushing at me

and they chase me back     and I retreat!

As the waves recede,     into to the Sea

They burrow a pit,     below my feet!

As the sand gets pulled     from under my toes

I feel it causing a     tickle in my sole!

 

I walk for a while     with my Grand daughter

Holding her small little     hands in mine,

Savoring the glory of the     morning Sun,

As he rises from the sea,     on the ease sky-line.

When the rays of the Sun     and the wave crests meet

The whole sea turns     into a  silver plate.

 

We walk on the shore,     leaving footprints on the sand

And the play of the waves     won't let them long stand.

But the picture of the Sun     and the shimmering silver sea

Will stay in my heart,     etched in memory!

 

 

இராம நவமிப் பாடல்

இராம நவமிப் பாடல் 

இன்று ராமநவமி ! ராமபிரானின் அருள் வேண்டி ஒரு பாடல் 

அன்புடன் 

ரமேஷ் 

கானகம் சென்றுதன் தந்தைசொல் காத்தானை, 

வானரச்   சேனைகளின்  துணையோடு சமர்செய்து  

தானவரைக்*  கொன்றழித்து தருமத்தை நிலைநாட்டி         *தானவர்=அரக்கர் 

சானகனின்*  திருமகளை சிறைமீட்டு வந்தானை,                  * சனகன் 

வானகத்  துறைதேவர் வணங்கித் தொழுவானை, 

நானிலமும் போற்றவிந்  நவமித் திருநாளில் 

மானவனாய்*  இந்த மண்ணில் பிறந்தானை,                             * மானவன்= மனிதன் 

நானகத்திலே இருத்தி நவமியிந்   நன்னாளில் 

பானகமும் மோர்நீரும் படைத்தே பணிந்திடுவேன் 

ஞானமெனை  அடைந்து சேர.

  

  

 

 

ஸ்ரீராமநவமி

நாளை  ஸ்ரீராமநவமி.

இந்த நாளையொட்டி இரு சிறு பாடல்கள் 

அன்புடன் 

ரமேஷ் 

 
பெற்றவன்  சொல்காக்க கான்சென்று தன்னுடன்
உற்றவளை மீட்கவே வில்லேந்தி - தெற்காளும்
கொற்றவனைக் கொன்றவளை மீட்ட அவதாரம்
பொற்புடை ராமனுடைத் தே ! 

( ஒரு விகற்ப நேரிசை வெண்பா )

இலக்குமியின் மலர்க்கரம்     பற்றி அவள் இடப்புறம்.
இளையநம்பி இலக்குவன்     இருப்பதவன்  வலப்புறம். 
இலக்கென்றும்   இழக்காத     கோதண்டம் தோளிலே. 
இலங்கையை எரித்திட்ட      அனுமந்தன் தாளிலே. 
வலக்கையை உயர்த்தியே   வரங்கள் வழங்குவான் !
கலக்கங்கள் விலக்கிடும்     ஸ்ரீராமன் தரிசனம்.

பூரி ஜகன்னாதர்

பூரி ஜகன்னாதர் 

சென்ற மாதம் 50 PLUS VOYAGERS என்ற நிறுவனத்தாரால்  ஏற்பாடு செய்யப்பட்ட ஒரு சுற்றுலாப் பயணத்தில் நானும் என் மனைவியும் பங்கேற்றோம். ஆறு நாட்கள் பயணித்து ஒரிசா மாநிலத்தின் பல இடங்களுக்குச் சென்றோம். இவற்றில் ஒன்று புகழ் பெற்ற பூரி ஜகந்நாதர் கோயில்.

சாதாரணமாக எல்லா கோவில்களிலும், கடவுளர்கள் தத்தம் மனைவியருடனே சேர்ந்திருந்து அருள்பாலிப்பதையே  ( சிவன்-பார்வதி, விஷ்ணு-லட்சுமி, முருகன்-வள்ளி,தெய்வானை ) பார்த்திருக்கிறோம். ஆனால் இந்தக்கோவிலிலே ஒரு வித்தியாசமாக மூலஸ்தானத்தில் கிருஷ்ணர் தனது மனைவி சத்யபாமாவுடன் சேர்ந்து தரிசனம் தராமல் , தனது சகோதரன் பலராமனோடும், சகோதரி சுபத்திரையுடனும் சேர்ந்து தரிசனம் தருகிறார்! இதன் தாத்பரியம் சரியாகப் புரியவில்லை! தெரிந்தவர் யாரேனும் சொல்லுங்களேன்!

கூடப் பிறந்தோருடன் கண்ணன் தரிசனம் தருவதை பற்றி ஒரு சிறு பாடல், வெண்பா வடிவில்!

அன்புடன் ரமேஷ் 

Ramesh · Poori Jagannaathar

தன்னுதிரத் தோடுதித்த  தங்கை தமையனையும்

தன்னுடனே கர்ப்ப கிரஹத்தில் கூட்டிவைத்து 

கண்ணனவன் காட்சிதரும் மாட்சியினைப் பெற்றதுவாம் 

மன்னுபுகழ் பூரித் தலம் 

(பல விகற்ப இன்னிசை வெண்பா)