எந்தன் மகனேகோவிந்தா - 4

எந்தன் மகனேகோவிந்தா - 4

கோவிந்தனும் அவன் தந்தையும் பேசுவது போல் அமைக்கப்பட்ட  பாடல் வரிசையில் இது நான்காவது. இந்தப் பதிவில் , இன்றைய தமிழ் நாட்டின்  அரசியல் நிலைமையைப் பற்றி,  கோவிந்தனின் கேள்விகளுக்கு தந்தை பதில் அளிக்கிறார். மேலே படியுங்கள்.

அன்புடன்

ரமேஷ்

முந்தைய "கோவிந்தா" பதிவுகள்  படிக்க --

http://kanithottam.blogspot.in/2016/05/blog-post_15.html
http://kanithottam.blogspot.in/2016/10/2.html
http://kanithottam.blogspot.in/2016/12/3.html

எந்தன் மகனேகோவிந்தா-4

தந்தை  :

எந்தன்   மகனே    கோவிந்தா
           என்ன   கவலை   இன்றுனக்கு?
உந்தன்   அகண்ட    நெற்றியிலே
            சிந்தனைக்   கோடுகள்   காண்கின்றேன்.

கோவிந்தன் :

நாட்டு   நடப்பைப்   பற்றித்தான்
              நாளும்   கவலைப்   படுகின்றேன்
கேட்பேன்  கேள்விகள் அப்பாவே
              பதில்நீ   கூறணும்    இப்போவே
அ.தி    மு.க    ஆட்சியுமே
              கவிழப்   போகுது   என்கின்றார்
அதிகம்   ஓரிரு   மாதங்களே -   இதன்
              ஆயுசு   என்பது   சரிதானா?

தந்தை :

ஒட்டுப்   போட்ட   மக்களுக்கு
              பட்டு   வாடா   செய்தபணம்
மீட்க   இன்னும்   மாதம்பல
              ஆகும்   என்ற   காரணத்தால்
ஆட்சி   கவிழ   விடமாட்டார்
              ஆனால்   தமிழகம்   கவிழ்ந்து விடும்.

கோவிந்தன் :

கோடி   கோடியாய்   பணம்கொடுத்து
              குதிரைப்   பேரம்   செய்தசெய்தி
ஊடகங்களை    நிறைக்கிறதே -   அதைப்
              பார்க்கும்   மக்கள்   என்னசெய்வார்?
அடுத்த   தேர்தல்   வருகையிலே
              அநியா   யத்தை   செய்தவரை
அடித்து   விரட்டி   விடுவாரா?
               ஜனநா    யகத்தைக்    காப்பாரா?

தந்தை : 

கோடி    கோடியாய்   பணம்பெற்ற
            கூவத்   தூரின்   கும்பலையும்  
வாரிவாரி   அதை   வள்ளல்போல்
            வழங்கிய    கட்சித்   தலைமையையும்
நிச்சயம்   சும்மா   விடமாட்டார்
             நீதியைக்   கேட்டு   பொங்கிடுவார்!
"எம்எல்    ஏ-க்கு   கோடிகளா?
             எமக்குக்   கேவலம்   ஆயிரமோ ?
திருமங்    கலத்தில் தொடங்கியது
             அரவங்    குறிச்சியில்   அதிகரித்து
இராதா   கிருஷ்ணன்   நகரினிலே
             இரண்டு   மடங்காய்    உயர்ந்தாலும்
இன்று   எமக்குக்    கிடைத்தபணம்
             நாலே    நாலு    ஆயிரமே!
வரட்டும்   அடுத்த   தேர்தலுமே!
             வாங்குவோம்   வட்டியும்   முதலு"மென
உரத்து    உரைத்து   இருக்கின்றார்.
             பொறுத்து   இருந்து    நாம்பார்ப்போம்!


           
           
           
   

             






           


               

தசாவதாரம் - 3 - வராகஅவதாரம்

தசாவதாரம் - 3 - வராகஅவதாரம்

பல நாட்களுக்கு முன்னால் தசாவதார வெண்பாக்கள் எழுத ஆரம்பித்து முதல் இரண்டு அவதாரங்கள் பற்றிய பாடல்களை- ( மச்சாவதாரம், கூர்மாவதாரம்)- பதிப்பித்திருந்தேன். 
அப்போது நான் எழுதி இருந்த முன்னுரை இது  -

தாத்தாக்களுக்கு  ஏற்படும் ஒரு பெரிய சவால் பேரக் குழந்தைகளுக்குக்  கதை சொல்வது. கதை சொல்ல உட்காரும்போதுதான் "நமக்கு நன்றாகத் தெரியும்" என்று நாம் எண்ணிக்கொண்டிருந்த கதைகள் கூட முழுவதுமாக நினைவில் இல்லை என்ற ஞானோதயம் ஏற்படுகிறது. அது மட்டும் இல்லாமல், பேரன் பேத்திகள் குடைந்து, குடைந்து கெடுக்கிற கேள்விகள் வேறு ! இந்த சிக்கல்களிலிருந்து தப்பிக்கொள்ளத்தான் , நான் என்னுடைய தசாவதாரக் கதைகள் பற்றிய " ஞானத்தை" கொஞ்சம் புதிப்பித்துக்கொண்டேன் ( நன்றி - அமர் சித்ரா கதைகள் மற்றும் இணையங்களின் பதிப்புகள் ). இது வரை முழுதும் தெரியாது இருந்த சில விஷயங்களையும் தெரிந்துகொண்டேன். இது நான் பேரன் பேத்திகளுக்குச் கதை சொல்லப்போகும் நேரத்தில் உதவும். 

உங்களுக்கும் இவை கைகொடுக்கும் என்று நினைக்கிறன்.

தொடர்ந்து  இந்தப் பதிவில் வராக அவதாரம் குறித்த பாடலும் , அது குறித்த விளக்கம் ஆங்கிலத்திலும்.

அன்புடன் 
ரமேஷ் 

P.S: I get comments and reactions mostly to my email. If you post it in this blog others can also see and share your views. Many have told me that they are not clear about how to do it. The procedure for doing that is given below. Feel free to do it in English or Tamil.

Go to the blog

Below the poem/article you will find  a line which says No comment/ 1 comment etc..

Click on that , the box to enter the comment will appear

write yr comment

click "publish" below that

தசாவதாரம் - 3 - வராகஅவதாரம் 

மண்ணுலகை ஆழ்கடலில் ஆழ்த்திவைத்த ராட்சதனை
வெண்ணிறப் பன்றியின் ரூபத்தில்   - கொன்றபின்
பூமியைத்தன் மூக்கிலே தாங்கியே மேற்கொணர்ந்த
*நேமியன்  வாரா கனே !  

(பல விகற்ப இன்னிசை வெண்பா )

*நேமியன் - உயர்ந்தவன்; நியமம் தவறாதவன்.  

In VARAHA Avatar, Lord Vishnu incarnates himself as a boar in this world. The background to this incarnation is this  :
A demon Hiranyaksha, had prayed for Lord Brahma and got awarded a boon that no beast nor man nor god could kill him. But somehow from the list of beasts the name of boar was missing. This proved to be his lacunae. He then started a campaign of plunder across the worlds. He pushed the world to the Pataal loka, or the under of the sea.

To  save the world the Lord Vishnu assumed the role of a boar, killed Hiranyaksha and brought out the earth from the under of the ocean, using its two tusks.

For the earlier posts on Dasaavathaaram , see the following links.

http://kanithottam.blogspot.in/2016/10/1.html
http://kanithottam.blogspot.in/2016/10/1.html

குறள் மேல்வைப்பு வெண்பா - 18

குறள்  மேல்வைப்பு வெண்பா  - 18

தூது என்னும் அதிகாரத்தில் வள்ளுவர் தூதுவரின் இலக்கணங்களை விளக்குகிறார். அவற்றில் ஒரு குறள் இது;

தொகச்சொல்லித் தூவாத நீக்கி நகச்சொல்லி 
நன்றி பயப்பதாம் தூது  (குறள் 685)

இதன் பொருள் 

தூது செல்லும் அரசனிடம்  சொல்லவேண்டியவற்றை கோர்வையாக  தொகுத்து , அவனுக்கு வெறுப்பு ஊட்டக்கூடிய விஷயங்களை  நீக்கி , தன்  இனிய சொற்களால் அவன் மனம் மகிழுமாறு கூறி , தன் தலைவனுக்கு  நன்மையைத் தேடி தரவேண்டியது தூதரின் பண்பாகும்.

அவ்வை அத்தியமானுக்காக , தொண்டைமானிடம் தூது சென்ற நிகழ்வு தூதுவரின் இப்பண்பை விளக்கும். அது பற்றிய  கதையும், அந்தக் கதையைத்  தாங்கிய குறள் மேல்வைப்பு வெண்பாவும் இதோ !

அன்புடன் 

ரமேஷ் 


தொண்டை அரசன்பால் தூதுசென்(று) அஞ்சிக்காய் 
சண்டை தவிர்த்தாள்  கவியரசி அவ்வை 
தொகச்சொல்லித் தூவாத நீக்கி நகச்சொல்லி 
நன்றி பயப்பதாம் தூது

( பல விகற்ப இன்னிசை வெண்பா)

English version by Suththaananda Baarathiyaar 

Not harsh, the envoy's winsome ways
Does good by pleasant words concise.

English version by Rev. Pope 

         In terms concise, avoiding wrathful speech, who utters pleasant word
         An advantage he who gains, an advantage for his Lord.

Meaning  :

He is an ambassador who ( in the presence of foreign rulers) , speaks briefly, avoids hardness , talks sweetly to make them smile, and thus brings good ( to his own soverign).

அவ்வை தூது சென்ற கதை 
  

அவ்வை , அதியமான் அஞ்சியின் அவைப்புலவராகமட்டுமல்ல, நெருங்கிய நட்பாகவும் இருந்தார். அது மட்டுமல்லாமல், அதியனுக்கு அரசியலில் உதவி புரிந்த தூதுவராகவும் இருந்த கதை ஒன்றைக் காண்போம்.

அண்டைக் குறுநில மன்னன் தொண்டைமான், அதியன் மேல் போர் தொடுக்க ஆயத்தம் செய்துகொண்டிருப்பதாக செய்தி வந்தது. தொண்டைமான் படைப்பலத்தை  அறிந்த அவ்வை , இந்தப் போரை எவ்வாறேனும் நிறுத்த எண்ணினார். இது குறித்து தொண்டைமானுக்கு தூது சென்றார். சென்றவருக்கு , தொண்டைமான்,  அவனுடைய  படைபலத்தைக் காட்ட எண்ணி, அவ்வையைத் தன் படைக்கலன்கள் வைக்கப்பட்டிருந்த  பாசறைக்கு  அழைத்துச் சென்று காட்டினான். அதைக் கண்ட அவ்வையோ, கீழ்வரும் பாடலைப் பாடி அதியனின் போர்த்திறத்தை சொல்லாமல் சொல்லி, தொண்டைமானுக்கு உணர்த்தினார்!

இவ்வே, பீலி அணிந்து, மாலை சூட்டிக் கண்திரள் நோன்காழ் திருத்தி, நெய் அணிந்து, கடியுடை வியன்நக ரவ்வே : அவ்வே, பகைவர்க் குத்திக், கோடுநுதி சிதைந்து, கொல்துறைக் குற்றில மாதோ ; என்றும்

5

உண் டாயின் பதம் கொடுத்து, இல் லாயின் உடன் உண்ணும், இல்லோர் ஒக்கல் தலைவன், அண்ணல்எம் கோமான், வைந் நுதி வேலே.  இப்பாட்டின் கருத்து  இப்போர்க் கருவிகள் மயில் தோகை மாலை சூட்டப்பட்டுள்ளன. இவற்றின் உடற்பகுதிகளாகிய திரண்ட வலிய காம்புகள் அழகுறச் செய்யப்பட்டு உள்ளன. நெய் பூசப்பட்டுக் காவல் மிக்க அகன்ற அரண்மனைக் கண் உள்ளன. அப்போர்க் கருவிகள் (அதியமானுடையவை) பகைவரைக் குத்துதலால் கங்கும் நுனியும் முரிந்து கொல்லனது கொட்டிலில் கிடக்கின்றன. செல்வம் உண்டானபோது பிறர்க்கெல்லாம் உணவு தந்து, செல்வம் இல்லாதபோது உள்ளதனைப் பலரோடு சேர்ந்து உண்ணும் வறுமைப்பட்டவர்களின் சுற்றத்திற்குத் தலைவனாகிய எம் வேந்தனின் கூரிய நுனியையுடைய வேலும் கொல்லன் உலையை விரும்பிற்று”  (நன்றி : முனைவர் திரு.கு.வே.பாலசுப்ரமணியம் )

அதியனை வெல்லுதல் எளிதல்ல என்பதை இப்பாடல் தொண்டைமானுக்கு உணர்த்த,  போர் முடிக்கும் எண்ணத்தை அவன்  கைவிட்டான். 

என்னே அவ்வையின் தூதாற்றல்!

வள்ளுவனின் இந்தக் குறளுக்கு  சிறந்த எடுத்துக் காட்டு அல்லவா இது!

The Story in English 

Avvaiyar was a poetess of the Sangam period and was a friend of King Adhiyaman.  When  a war seemed likely to break out between Adhiyaman, and King Thondaimaan  Avvaiyar, went to the court of Thondaimaan, as an envoy from Adhiyamaan,  to try to stop the war. She was anxious to prevent the loss of life. Tondaiman who understood the purpose of her visit,  decided to show her his military might , thinking that it will persuade her to warn  Adhiyamaan and make him accept Thondaimaan's leadership.  He took her around and showed her the preparedness of his army and its many weapons. His idea was to impress Avvaiyar so much that she would take back a warning to her friend Adhiyaman, so that the latter would be scared of fighting Thondaimaan.

But Avvaiyar cleverly turned the tables on Thondaimaan. She said she could see that his weapons were glossy with the newly applied oil, and that his spears and swords were sharp. This was in contrast to the weapons of Adhiyaman's army. These had been blunted by cutting down enemies. They were broken because of constant use and were in the process of being repaired. She subtly conveyed that while Thondaimaan was inexperienced in battle, Adhiyaman was very experienced. The warning was that Thondaimaan had better not wage war against Adhiyaman. The message went home and thus she cleverly thwarted war between the two kings.

The English version of the song by Avvai : (Translation by George L. III Hart.)

These are adorned with feathers of the peacock and encircled by garlands

and have strong, thick, well-fashioned shafts and are anointed with ghee

while they repose in a sprawling, well-guarded palace; but those spears,

with their blades and joints broken when they pierced enemies, are always

to be found in the blacksmith's small shed, for he who is lord

and chieftain of those who gather in need,

who grants food when there is plenty

and when there is not will share his own,

our king owns those spears that are tipped with sharp blades!

சோ

சோ 

சோ ராமசாமி அவர்கள் மறைந்த போது ஒரு இரங்கல் கவிதை எழுதி இந்த "கனித்தோட்ட"த்தில் பதித்திருந்தேன். 

என்னுடைய பதிவுகளிலே மிகுந்த வரவேற்பைப் பெற்ற  கவிதைகளில்  இது ஒன்று.

இரண்டு வாரங்களுக்கு முன்னர்,  துக்ளக் இதழில்  இது , சில சிறு மாற்றங்களுடன், வெளியிடப்பட்டிருக்கிறது. ( பக்கம் 27 ).

இதை மீண்டும் ,  வெளியிடுவதில் மகிழ்ச்சி  அடைகிறேன்!

அன்புடன்

ரமேஷ்

சோ" என்று பெய்து கொண்டிருந்த  மழை நின்று விட்டது .

இந்த மழை --
வாரம் தோறும் நம்மை நனைத்து வந்த
கருத்து மழை !
மேடையிலும், வெள்ளித் திரையிலும் பொழிந்து வந்த
சிரிப்பு மழை.
நம் மனக் குளங்களை நிரப்பி வழிந்து வந்த
மகிழ்ச்சி மழை.
குடையின்றி, தடையின்றி வேண்டியே நாம்
நனைந்த மழை.

மழை நின்றால் வானம் வெளுக்கும்!
ஆனால்
இந்த மழை நின்றதால் , மனம் இருண்டதே!

அரசு கட்டிலில் யார் அமர்ந்த போதும் -
ஏமரா மன்னர்களை இடித்துரைத்து , அவ்வுரையை
பாமர மக்களையும் படிக்க வைத்து - அவர்கள்
ஏமாறா  திருக்கச் செய்த
எழுத்தாளன் .

அங்கதத்தில் அரசன் !
அதையும்
இங்கிதமாய்ச் சொல்லி
எவரையும் ரசிக்க வைத்த
நடிகன் .


IS GOD DEAD - என்ற  கேள்வி எழுந்தாலும்
இந்த "சரஸ்வதியின் செல்வன் "
மீண்டுமிவ் யுகத்தில்  சம்பவித்து வருவானென 
நம்பிடுவோம் , நாம் இன்று --

WHY NOT?
பொறுத்திருந்து பார்ப்போம் !
Let us WAIT AND SEE !

அதுவரை 

அன்னாரின் ஆன்மா சாந்தியுடன் இருக்க இறைவனை வேண்டுகிறோம்

நில்லாத நடம் புரிவோய், அருள்நீயே! - (பிரதோஷப் பாடல் 1)

நில்லாத நடம்புரிவோய் , அருள்நீயே!
(பிரதோஷப் பாடல் 1)

"ஆசைகளும் , உலகப்பற்றுகளும்  துன்பங்களுக்கு வித்து " என்பதை பல ஞானிகள் சொல்லக் கேட்டிருக்கிறோம்.

இளம் வயதில் ஆசைகளைத் துறப்பது  கடினம்தான்.

ஆனாலும், இளமையில் இன்பங்களை அனுபவித்த பின்பு, வயது முதிர , முதிர ஆசைகளைத் துறப்பது சுலபமாக அல்லவா ஆகவேண்டும்?

இதுவும் அவ்வளவு  எளிதாக  இல்லையே!

இந்தப் பற்றில்லா நிலைமை வந்தடைய, நடராசப் பெருமானை வேண்டி  இன்றைய பிரதோஷப்   பாடல் .

அன்புடன் 

ரமேஷ் 

நில்லாத நடம்புரிவோய் !

துள்ளியே    விளையாடும்   இளமைப்   பருவங்கள்

தள்ளியே   ஆண்டுபல    போனபின்னும்

பல்லாடி நரைவிழுந்து  பார்வையும் புரையோடி 

தள்ளாடித் தடியூன்றும்  நேரத்திலும் 

உள்ளாடும் மனதினில் உலகத்து ஆசைகள்
நில்லாது நீக்கிட்ட நிலை காண 

சொல்லோடு பொருள்போல உமையோடு இணைந்திட்டு
நில்லாத நடம்புரிவோய் ,  அருள்நீயே!

அற்புதங்கள்

வாழ்க்கையின் பெரும் பகுதியை ஓடுவதிலும், எதை  எதையோ தேடுவதிலும் கழித்து ஒழித்துவிட்டபின், நாம் காணும்  காட்சிகளில் புதைந்து கிடக்கும் அற்புதங்களை சற்று ரசித்தால்  என்ன?

After having spent the best part of our life running after things , why not step back and find some time to enjoy the beautiful things of nature?

அன்புடன் 

ரமேஷ் 

அற்புதங்கள் 

மேகமில்லா  நீல வான நிர்மலம் ஒரு  அற்புதம் 
தேகமில்லா தென்றல் காற்று முகம் தழுவுதல் அற்புதம் 
தேசமில்லா பறவைக் கூட்டம்  பறக்கும் காட்சி அற்புதம். 
பாசத்தோடு அன்னை மகவை அணைக்கும் காட்சி அற்புதம் 


வாலை யாட்டி சுதந்திரமாய் நீல வானந்  தன்னிலே 
 நூலறுந்த  பட்டம் ஒன்று மிதக்கும் காட்சி அற்புதம் . 
மேலிருந்து முகம் நனைக்கும்   மழையின்  தூறல்  அற்புதம்
பாலருந்தும் குழந்தை முகத் தோற்ற முமே  அற்புதம் 

வானும் மண்ணும் அற்புதம் ; வாழும் யாவும் அற்புதம்;
கானும்  மலையும்  அற்புதம்; கடலும் நதியும் அற்புதம்
நானும் நீயும் அற்புதம். நீரும் நெருப்பும் அற்புதம்.
ஆணும் பெண்ணும் அற்புதம்; காணும் யாவும் அற்புதம்;

ஆன தெல்லாம்  அற்புதம்;  ஆகப் போவ  தற்புதம் .
காணும் காட்சி யாவிலும் காணு கிறேன்  அற்புதம்
நாளை என்ன நடக்குமென்று நாம் அறியாப்  போதிலும் 
நிச்சயமாய் அதை நடத்தும்   இறைவன் விதி  அற்புதம். 

இயற்கை படைத்த எதுவிலும் இருபுடை யிவை* வற்புதம்
இயற்கையையே  யார்  படைத்தார்?  வணங்கிடு அவர் பொற்பதம்.
இவ்வுலகில் நாம் வாழும்   காலம் மிகவும் சொற்பமே.
அற்புதங்கள் யாவும் கண்டு அனுப விக்கக்   கற்பமே !

*இருபுடை இயைவு-- symmetry

SWAMINATHAN CHINNASAMY KARNAN வெர்சஸ் SUPREME COURT

SWAMINATHAN CHINNASAMY KARNAN  வெர்சஸ் SUPREME COURT

இன்று நாளேடுகளிலும், ஊடகங்களிலும் பரபரப்பாகப்  பேசப்படும்  ( இப்போது போலீசாரால் தேடப்படும்) ஒரு நபர்  கொல்கத்தா உயர்நீதி மன்ற நீதிபதி கர்ணன்.

பல மாதங்களாக, தான்  Scheduled Cast -SC  -ஐ சேர்ந்தவர் என்பதால் ,தன்னை தன்  சக நீதிபதிகள் தரக்  குறைவாக நடத்துவதாகவும் , தனக்கு பெரும் அநீதிகள்  அழைக்கப்படுவதாகவும் கூறி வந்த இவர், சென்னை உயர் நீதிமன்ற தலைமை நீதிபதியையும், உச்சநீதி மன்ற நீதிபதிகளையும் விட்டு வைக்கவில்லை. இவர் தொல்லை பொறுக்காது இவரை இடமாற்றம் செய்த போதும்.பிற நடவடிக்கைகள் எடுத்த போதும் , அதை எதிர்த்து இவர் கூறி வந்த ஒரு  காரணம், தான் ஒரு SC  எண்பதாலேயே இவைகள் எடுக்கப்பட்டன என்பதாகும். இது தவிர, உச்ச நீதி மன்றத்தார் மீது இவர் "எடுத்துள்ள" நடவடிக்கைகளும், நீதி நிறுவனங்களையே மக்கள் ஒரு கேலிப்பொருளாக நினைக்கும் நிலைமைக்கு கொண்டு வந்துவிட்டது. திரும்பத்  திரும்ப SC வாதத்தை எடுத்து வைக்கும் இவரைப் பற்றி SC என்ற தலைப்பெழுத்துத் தொடரின் பல்வேறு அர்த்தங்களை உபயோகித்து  ஒரு பாடல்.

அன்புடன் 

ரமேஷ் 

பி.கு :  பாடலின் ஒவ்வொரு அடியும் மூன்று சீர்கள் கொண்டவை. ஆங்கிலமும், தமிழும் கலந்து இருப்பதால், இசையோடு படிப்பதற்கு ஏதுவாக , ஒவ்வொரு சீருக்கும் இடையே அதிக இடைவெளி விட்டுப் பிரித்து இருக்கிறேன்.  பாடலின்  வலது பக்கப் பகுதியில்  , அந்தந்த வரியில் உபயோகப்படுத்தப்பட்டிருக்கும்  SC என்பதற்கு விரிவாக்கம் கொடுக்கப்பட்டுள்ளது.
பாடலைப் படித்து ஒளிப்பதிவும் செய்திருக்கிறேன்.

முதலில், இதை பற்றிக் கவலைப் படாமல் , பாடலை மட்டும் சந்தத்துடன்ப படித்து கேட்டு ரசியுங்கள்! பிறகு மீண்டும் படிக்கையில் , வலது பக்கக்  குறிப்புகளை படித்துப் புரிந்துகொள்ளலாம்! 

SC யாய்    இருந்துபின்னர்     SC -ஆகி ஹைகோர்ட்டின்   ஜட்ஜாக   உயர்ந்த SC "SC நான்   என்பதனால்   SC யாக  எனைநடத்தி    SC- யாய்ச்    செய்தா"ரென்றும்  'என்பேரை   எழுதிவைத்த   பலகையைத்தள்ளி SCயால்    SC க்கள்    மிதித்தா"ரென்றும்   "SC யின்      ஜட்ஜுகள்   எல்லோருமே   SC  க்கள்      பலவுமே     செய்தா"ரென்றும் இப்படிப்பல    காரணங்கள்    விதம்விதமாக  தினம்கூவும்    SC யாய்    இருந்ததனாலே SChபாதிப்போ   இவர்க்கென்    றெண்ணி   SCசெய்ய    SCயை    SC அமைத்தார். "SCஜட்ஜு      போட்டஇந்த    ஆணைகளெல்லாம்  எனக்கெல்லாம்     SCயென்    றெடுத்துக்கூறி "நானென்ன     SCயே     இல்லாதவனா? SC மட்டும் என்ன ஒரு  SC  பசுவா ? என் பவரைக்    காட்டுகிறேன்    இவர்க்கே"என்று  SCக்கு    கொடுப்பதுபோல்    பிடிவாரண்டை SCஜட்ஜ்     மேலேயே     திருப்பிவிட்டார். தான்ஒரு     SCஎன்ற    எண்ணத்தினால்  இன்றுஇவர்     இழைத்திட்ட     SC எல்லாம் விளைவித்த      SCயை      SC கண்டு வெலவெலத்துப்   போயிருக்கும்    நிலைமைஇன்று! SCபோட்ட    SCஇவர்    என்றேகூறி குலுங்கக்குலுங்க    நாடெல்லாம்    சிரிக்குது பாரு!

SC-SENIOR COUNCIL  SC-STANDING COUNCIL SC- SWAMINATHAN CHINNASAMY KARNAN SC-SCHEDULED CAST SC-STEP CHILD SC-SECONDARY CITIZEN SC- Shoe-Chappal SC- சக கோர்ட்டார்  SC-SUPREME COURT SC- SERIOUS CORRUPTION SC-சண்டைக் கோழி SCh- SCHIZOPRENIA SC-SANITY CHECK  SC-SPECIAL COMMITTEE SC- SUPREME COURT SC- SUPREME COURT SC-சற்றும்   செல்லாது SC-SPINAL CORD SC- SUPREME COURT SC-SACRED COW SC-SIMPLE CRIMINAL SC- SUPREME COURT SC-SUPREME COMMANDER SC- செய் கருமம் SC-SYSTEMIC  CHAOS SC- SUPREME COURT SC- SUIT-COAT SC-SUPER CLOWN

-------------------------------------------------------------------------------------------------------------------------