காலைச் சிற்றுண்டி

காலைச்  சிற்றுண்டி 

சென்ற மாதம் என்னுடைய மகன் அமெரிக்காவிலுருந்து வந்திருந்த போது ஒரு காலைவேளையில் அருகிலுள்ள ராமேஸ்வரம் கஃபே யில் காலைச்  சிற்றுண்டி(?) சாப்பிடச் சென்றோம். ஒரு மாத்திட்க்குப் பிறகு அவனுடன் பேசிக்கொண்டிருந்தபோது , இன்னும் அந்தச் சுவை அவன் நினைவில் மிதக்கிறது என்று கூறினான்! அதன் உந்துதலின்  பேரில் எழுதிய ஒரு சிறு பாடல்! சுவைத்து மகிழுங்கள்!

அன்புடன் 

ரமேஷ் 

Ramesh · kaalai chitrundi

மிகமிக மிகமிக மெலிதாய் வார்த்த 

முரு முரு முறுவெனும் ரவையின்    தோசை 

கம கம கம வென வாசம் வீசி  

நெய்யில் மிதக்கும் நறுமணப் பொங்கல் 

சுறு சுறு சுறுவென உரைக்கும் ரசத்தில் 

மெது மெது மிருதுவாய் ஊறிய  ரசவடை 

சிவ சிவ சிவ சிவ சிவப்பு நிறத்தில் 

பொடி மேல் தடவிய  தட்டு இட்டலி 

தேங்காயத் துகளும் கொத்து மல்லியும் 

தூவித் தெளித்த  தோசை இவற்றை 

பல பல பல பல சட்டினி வகையுடன் 

சாம்பார் சேர்த்து சாப்பிட் டானபின்  

கொதி கொதி சூட்டில்  கொதித்திடும் பாலுடன் 

கரு கருக்  கொட்டை வடிநீர் கலந்து 

சர் சர் சர் என நுரை வர ஆற்றி 

சுடு சுடு சுடுவென டிகிரிக் காபி 

குடித்து முடிக்கையில் கூடிய  தின்பம்