புட்டபர்த்தி -- 4

புட்டபர்த்தி  --  4

புட்டபர்த்தி - தொடர்ச்சி 

பிரசாந்தி நிலையத்தின் உள்ளே உள்ள மற்றும் இரண்டு கோயில்கள் 
1. காயத்ரி தேவி கோயில் 
2. மகாலட்சுமி கோயில் 

இவை பற்றிய ஒரு கவிதைப் பதிவு, இதோ.

அன்புடன்,

ரமேஷ் 



DEVI GHAYATHRI

பஞ்ச    பூதங்களை   முகங்களாய்    ஏற்று-நல்

நால்வே    தங்களையும்   நாவினில்    ஏற்றினள்.

சாவித்திரி.   சரஸ்வதி    அவளென்று    சாற்றுவோம்.

சாயிகா     யத்திரி   தேவியைப்   போற்றுவோம்.             (கலி விருத்தம் )

DEVI LAKSHMI

காயாத்ரி கோயிலுக்கு அடுத்து இருக்கிறது  திருமகளின் திருக்கோயில்.  அதனுள் வீற்றிருக்கும் லக்ஷ்மியின் நிழற்படம் எனக்குக் கிடைக்கவில்லை.! அதனால் , இந்த சொற்படத்தை மட்டும் பதிவு செய்திருக்கிறேன்.

தலையினில் மணிமகுடம்  தரித்து , செவ்விதழில்

விலையிலாப்   புன்னகை விரித்து - தவமோன

நிலையிலே அமர்ந்தருள் புரிகின்ற திருமகள்

அலைமகளின் அருள்வேண்டு வோம்.   

                                            (வெண்டுறை )