ராமேஸ்வரம் கஃபே

ராமேஸ்வரம் கஃபே 

நானும் எனது குடியிருப்பில் இருக்கும் சில மூத்த குடிமக்களும் (senior citizens) இரண்டு நாட்களுக்கு முன் அருகிலிருக்கும் ராமேஸ்வரம் கஃபே விற்குச் சென்றிருந்தோம். அங்கு நாங்கள் உண்ட சுவைமிக்க சிற்றுண்டிகளைப் பாராட்டி ஒரு பாடல்!

அன்புடன் 

ரமேஷ் 

பி.கு : சில வருடங்களுக்கு முன் சென்னை ரத்னா கஃபே யின் இட்லி சாம்பார் பற்றிய ஒரு பாடலும் இத்தத்துடன் இலவச இணைப்பு! இட்லிப் பிரியர்களுக்கு சமர்ப்பணம்! 

 https://kanithottam.blogspot.com/2019/11/blog-post_18.html

Ramesh · Rameswaram cafe

வெள்ளை வெளேர் என்று வட்ட வடிவில் சுட்டு 

நல்நறும் நெய்யை அதன்மேல் நிறையவே  நன்றாய் ஊற்றி
செவ்வண்ணப் பொடியைத் தூவி தட்டி(லி)ட்ட இட்லியின்  

                                                                                          சுவையை
எவ்வண்ணம் எடுத்துரைப்பேன் ?  சொல்வண்ணம் 

                                                                            என்னிடமில்லை!

மொறுமொறுவென மேற்போர்வை போர்த்திட்ட மெதுவடையை
சிறுமிளகைச் சேர்த்திட்ட நறுமணநெய்ப் பொங்கலினை
உறுதுணையாய் அதற்கமைந்த  சாம்பாரைச்  சட்டினியை
ஒருமுறை உண்டதன்பின் மறுமுறையும்  வேண்டிடுமே!

வறுத்தெடுத்த  கொட்டையிலே பொடிசெய்து வடித்தெடுத்த
கருத்த நிறக்  குழம்பியிலே*  கொதிக்கின்ற பாலிட்டு
பொருத்த மாய்   அளவுடனே  சக்கரையைச் சேர்த்திட்டு
நுரைததும்பக் கோப்பையிலே குடித்திடுதல்  பேருவகை. 

*குழம்பி = decotion

சித்தார்த் - 40

சித்தார்த் - 40

Ramesh · Sid 40

அகவை நாற்பது ஆண்டுகள் முடித்து 

-----அடுத்த ஆண்டில் அடிவைக்கும் 

மகனே சித்தார்த் எந்நாளும் நீ

-----சீரிய வளத்துடன் வாழ்ந்திடுக                                      1

"பெற்றது அவனை  பெருந்தவமே" என 
-----பாரதி பாடிய பாடலுக்கு

உற்ற மாதிரி யாயுள உன்னை 

-----அன்னையும் தந்தையும் வாழ்த்துகிறோம்            2 

வேலை விட்டு சுயதொழில் செய்ய 

-----விழைந்து நண்பர் குழுவுடனே 

மூலை விட்ட வெட்டெனும்* பெயரிலோர்         

-----நிறுவனம் நிறுவி உழைக்கின்றாய்                            3

லூரு**  எனுமதன்  மென்பொருள் ^  அமைப்பு        

-----பாருள் எங்கும் பரவிடவும்                                          

வேறு பற்பல பயன்பாட்டு களை # 

-----உருவாக் கம்செய்து உயர்ந்திடவும்                            4 

தொடரும் தொழிலிலும் தொடங்கிய தொழிலிலும் 

-----தடங்கல்கள் இன்றி உயர்ந்திடவும் 

உடல்நலம் மனநலம் மனைநலம் உட்பட   

-----பற்பல  நலமுனைச் சேர்ந்திடவும்                                5

புகழ்மிகப்  பெற்று மகள்மனை வியுடன் 

-----மகிழ் வுடனேநீ இருந்திடவும்  

ஆண்டு பல தாண்டி ஈண்டு நீவாழ

-----ஆண்ட வனையே   வேண்டுகிறோம்  !                       6

*மூலைவிட்ட வெட்டு = diagonal slash- name of their company

 **  லூரு(luru) =  software named after Banga"luru"

^  மென்பொருள் = software

# பயன்பாடுகள்= applications 

Meaning of the poem in English :

1. Dear Siddharth, As you complete forty years and step into your forty first year, we convey our blessings  for a bright future.

2. As the Poet Bharathi wrote, we, your parents, are indeed fortunate to have begotten you as our son.

3. Leaving your safe job, you along with your friends have established a start up named Diagonal Slash, displaying commendable enterprise.

4. This company has developed an App called LURU. Our blessings to you for this App to gain widespread usage and for your company to develop many such new APP-s.

5. We wish you continuing success in your earlier initiative (Exotel) and this new initiative Diagonal Slash. We also wish you Good health, A Happy family life and Peace of mind.

6. We pray to the Almighty for your long life in the company of your wife and child.

பி.எல். எப் (B.L.F)-இல் தெருநாய்த் திருவிழா

 பி.எல். எப் (B.L.F)-இல் தெருநாய்த் திருவிழா --

இப்போது பி.எல். எப் . பில் நடைபெறும் சூடான ஒரு வாக்குவாதம் தெரு நாய்கள் பற்றியது. தெரு நாய்கள் உள்ளே வருவதை எதிர்ப்பவர்கள் ஒரு பக்கம். அவைகளுக்கும் இடம் கொடுக்கவேண்டும் என்று ஆதரிப்பவர்கள் ஒரு பக்கம். 

டெலிக்ராம் இணையத்தில் வாதப்  பிரதிவாதங்கள் நடைபெற்று வரும் இந்நேரத்தில், உஷ்ணத்தைக் கொஞ்சம் தணிக்க,  ஒரு  நையாண்டிப் பாடல் ( song with a satirical touch!) - சில உண்மைகளுடனும் , சில கிண்டல்களுடனும்! 

இரண்டு பிரிவினரின் வாதங்களையும் கொடுக்க முயன்றிருக்கிறேன், என்னால் முடிந்த அளவுக்கு.  பிரித்துக்,  கிழித்து  ஆராயாமல், படித்து ரசியுங்கள்!

அன்புடன் 

ரமேஷ் 

Ramesh · therunaaith thiruvizha

எதிர்ப்போர் 

பிரிகேடில் தெருநாய் நடமாட்டம் 

முதியோர் குழந்தைகள் தடுமாற்றம் 

உடனே நாய்கள்  இடமாற்றம் 

தேவை அதுவரை விடமாட்டோம்.

ஆதரிப்போர் 

தெருநாய் கள்லேக் பிரண்டுக்குள் 

வருவதையே நீ தடுக்காதே !

இ ட்டப்படி அவை வந்திடலாம் 

சட்டப்படி அது சாத்தியமே.

எதிர்ப்போர்

ஒருநாய் இருநாய் என்றாலே 

சரிதான் என்று பொறுத்திடலாம். 

தெருநாய்க் கூட்டம் பலவாக 

பெருகு வதேதான் தலைவலியே. 

ஆதரிப்போர்

உள்ளே வந்த நாய்களையே 

தள்ளுதல் வெளியே முறையாமோ?

விருந்தினராகக் கருதி அதை 

வரவேற்றி டுதல் சரிதானே.  

எதிர்ப்போர்

தறிகெட்ட டோடிக் குழந்தைகளை 

துரத்தும் தெருநாய்க் கூட்டத்தை 

விரட்டி வெளியே அடிக்காமல் 

விருந்தை  அளித்தா  வரவேற்போம்?

ஆதரிப்போர்

நெடுநாள் நாய்கள் குடியிருந்த 

நிலப் பரப்பு அவையுரிமை. 

விட்டதை* வெளியே துரத்துவதை                       * விட்டு அதை 

சட்டமும் நீதியும் தடுக்கிறதே!

எதிர்ப்போர்

வரும்நாய் வெறிநாய் ஆகிறதே!

பெருங்குரல் எடுத்துக் குரைக்கிறதே!

சிறிய  குழந்தைகளை அந்நாய்கள் 

சீறிக் கடித்தால் என்னாகும்?

ஆதரிப்போர்

எல்லா உயிரையும் சமமாக 

எண்ணுதல் நம் பண்பாடு. 

தெருநாய் குழந்தையைக்  கடித்திட்டால் 

என் தவறா? அது உன் பாடு, 

எதிர்ப்போர்

"பெட்"களை வளர்க்கும் "பெட்"றோரே!

நீங்களும் குழந்தைகள் பெற்றோரே!

உங்கள் குழந்தையை ஒருதெருநாய் 

ஓடிக் கடித்தால் பொறுப்பீரோ!

இப்படியாக இரு சாரார்

ஒருவர்க் கொருவர் எதிர்மறையாய் 

தப்பு மற்றவர் பக்கமென்றும் 

தாமே சரியென மோதுகையில் 

இக்கட் டெதுவும்  இல்லாமல் ,,

டிக்கெட் எதுவும் எடுக்காமல் 

"எக்கேடாய் இவர் போகட்டும்"

என்றிங்கு   நாய்கள் நடமாடும் ! 

  

இந்தியர்களும் நாய்களும் -----

 இந்தியர்களும் நாய்களும் -----

ஸ்பிக் நிறுவனத்தில் என்னுடன் வேலைசெய்த நண்பர் ரவிச்சந்திர ராவ் பதிவு செய்த  ஒரு படம் இது.  இது குறித்து  பார்ப்பவர்களின் கருத்தை அவர் கேட்டிருந்தார். 

என் கருத்து , சில பாடல்கள் வடிவில்!

முதலாவது விருத்தப் பாடல். 

இரண்டாவது தமிழில் ஒரு லிமெரிக்-குறும்புக் கவிதை- சற்று "மெட்ராஸ் ஸ்லாங் " (madras slang ) கலந்து!

மூன்றாவதாக - போனஸ் - ஒரு ஆங்கில லிமெரிக்கும் கூட!

படித்து கருத்துக்களைப்  பதிவு செய்யுங்கள் !

அன்புடன் 

ரமேஷ் 

Ramesh · Indians and Dogs

பாடல் 1 

இந்தியர்க்கும் நாய்க்கும் இடமில்லை என்று 

வந்தன்று  வெள்ளையன் சொன்னநிலை மாறி   

இன்றந்த இருவினமும் டௌனிங்கு தெருவின் 

எண்பத்து* வீட்டில் கோலோச்ச லாச்சே!            *பத்தாம் எண்         

(கலி விருத்தம்)

பாடல் 2

டௌனிங்கு தெரு நம்பர் பத்து!

சுனக்கு ரிஷியோட கெத்து^ !    ^ கெத்து =கெட்டிக்காரத்தனம் , தந்திரம்          

-----கையோட நாயி  

-----இஸ்துகினு* போயி                 * இழுத்துக்கொண்டு - இதன் மெட்றாஸ் பாஷை மருவூ 

உட்டாண்டா மூஞ்சியிலே குத்து!

பாடல் -3 - An English Limerik

To Downing Street Our Sunakji went

 House No 10 was there for rent

----- With a Dog in Hand

----- And a marching Band

Reversing history and its trend!