அக்ஷய திருதி

 

இன்று அக்ஷய திருதி. 

இந்த நாளன்று பிறர்க்கு நாம் செய்யும் நற்செயல்கள் பன்மடங்கு பலன் அளிக்கும் என்பது ஐதீகம்.

நாமும் பல நற்செயல்கள் செய்து பலனுறுவோம்.

இது குறித்து இரு சிறு பாடல்கள்- 

அன்புடன்

ரமேஷ்.

பாடல் 1

அட்சய திருதியின்று நம்மில் நலிந்தோர்க்கு 

தட்சிணை* யளித்துதவி செய்தால்  - **யியட்சிணி 

லட்சிமி ஆகியோர் கடைக்கணருட் பார்வை 

நிச்சயம் கிட்டும் நமக்கு

(வெண்டுறை)

*தட்சிணை = நல் உதவி, donation 

** யியட்சிணி= குபேரனின் மனைவி

பாடல் 2

இங்கோடி  அங்கோடி அட்சய திருதியன்று 

தங்கம் வாங்குதல் தவிர்த்து - இங்குள்ள 

ஏழை பாழைகட்கு நாம்செய்யும் உதவிகள் 

ஊழ்ப்பீழை* வெல்லும் வழி.

(வெண்டுறை)

* ஊழ்ப்பீழை= விதியால் விளையும் கேடுகள்

*ஊழ்ப்பீழை=விதியால் விளையும் கேடுகள்