சித்திரம் பேசுதடி

பேசும் ரங்கோலிச் சித்திரம்  

நண்பர் பில்ஹணன் கல்லூரி வாட்ஸ்-அப் தளத்தில் பகிர்ந்த இந்த ரங்கோலிச் சித்திரத்தைப்  பார்த்ததும்  எழுந்த ஒரு  பாடல்  இதோ!

அன்புடன் 

ரமேஷ் 
(கனித்தோட்டம்)

உள்ளத்தை கொள்ளை கொள்ளு மழகு - விழிப் 
பள்ளத்தில் விழுந்தாற்பின் மீள்வதரிதே !

மின்னுகின்ற கண்ணோரம் வழிகின் றதே -  அப் 
புன்னகையின் மிச்சமித ழோரத்திலே!

மாசுமரு இல்லாத முகம் நடுவிலே - ஒளிர் 
நாசியும் நறுமணத்தை வீசுகிறதே!

மோனோ லிசாவுடைய புன்னகை யையே  - இவள் 
தானோ அவளுக்கு தந்துதவினாள் ?

தேனூறும் உதட்டகழைப்  போற்றி மட்டும் - பாடல் 
நானூறு நற்புலவர் தீட்டுவாரே!

இனித்திடும் இவள்முகம் கனவு களிலே  வந்து 
இனித்தினமும் உறக்கத்தைப்  போக்கிவிடுமோ  !