தெரு நாய்கள்

இன்று காலை "பிரிகேட் லேக் பிரண்ட் " வளாகத்தில் நண்பர் மதுசூதனுடன் பேசிக்கொண்டே நடக்கும்போது சில தெருநாய்களைக் கண்டு ஒதுங்கினேன்.அப்போது நண்பர் கூறினார் - " பயப்படத்  தேவையில்லை! இவைகளுக்கு தடுப்பூசி போடப்பட்டுவிட்டது" என்று. அதற்கு அடையாளமாக கழுத்திலே ஒரு பட்டை காணப்பட்டது. காது நுனியும் வெட்டப்பட்டு இருந்தது. 

அப்போது எனக்குத் தோன்றியது  - "சரி, இந்த அடையாளங்களோடு நாய்களைப் பார்த்தால் பயப்படத்  தேவையில்லை. மனிதர்களையும்  "இவர்  எத்தகையவர்" என்று பார்த்தவுடனே கண்டுகொள்ள, இம்மாதிரியான அடையாளங்கள் இருந்தால் எவ்வளவு நன்றாக இருக்கும்?" 

இக்கருத்து ஒரு கவிதை வடிவில்!

அன்புடன் 

ரமேஷ் 

 

Ramesh · Therunaaigal

தெரு நாய்கள்

தடுப்பூசி போடப் பட்டு
------தெருவிலே திரியும் நாயால்
நடப்போர்க்கு ஆபத் தொன்றும்
------நேர்ந்துவிட  நியாயம் இல்லை

காதுநுனி வெட்டி இருந்து
------கழுத்திலே பட்டை இருந்தால்
ஏதுமந்த நாய்க ளாலே
------எவர்க்கும்கே  டில்லை யென்றே .
பார்த்ததும் அறிந்து கொள்வோம்
------பயப்படத்  தேவை இல்லை

அதுவேபோல்   மனிதர் களையும்
------ பார்த்ததும்  பகுத்து அறிந்து

இடரிவர் இழைப்பார்  என்றால்   

----- தொடர்பினை விலக்க வழிகள்   

எதுவேனும்  உண்டோ அறியேன்  
-------மதிஞானம் உடையோர் உரைப்பீர் !