ரீப் மோட்டாரின் சாதனை!
உற்பத்தி தொடங்கி ஒருவருடத்திற்குள்ளாகவே மின்கல ஊர்திகளை உற்பத்தி செய்யும் பணியில் இந்திய நிறுவனங்களிலேயே நான்காவது இடத்தைப் பிடித்திருக்கிறது நண்பன் துரைராசின் ரீப் மோட்டார் நிறுவனம்!
சுற்றுச்சூழலைச் சிதைக்காமல் நகர் வலம் வந்து வீதிகளைச் சுத்தம் செய்யும் நற்பணியில் ஈடுபட்டுள்ள உர்பேசர் - ரீப் நிறுவனங்களை பாராட்டி சில மாதங்களுக்கு முன் நான் எழுதி வைத்து பதிக்க மறந்த ஒரு கவிதை இது!
இந்தத் தருணத்தில் இக்கவிதையைப் பகிர்ந்துகொள்வதில் பெருமகிழ்ச்சி அடைகிறேன்!
அன்புடன்
ரமேஷ்
உருபேசர்* நிறுவனத்துக் குறுதுணையாய் இருக்கின்ற, *urbaser
சுற்றுச் சூழலையே சற்றும் சிதைக்காமல்
முற்றுமதைக் காக்கின்ற மின்கலத்து ஊர்திகளை,
உற்ற நம்நண்பன் துரைராசின் தொழிற்கூடம்
உற்பத்தி செய்கின்ற நற்பணியைச் செய்கிறதாம்!
பெற்றிகள் பலபெற்று வெற்றிகள் வந்தடைய
கற்றவர் உன்கூட கரந்தட்டி வாழ்த்துகிறோம்!
